Dünya muzeyləri divarlarında

Tarix: 25-03-2015 11:23
Baxış sayı: 1501

Dünya muzeyləri divarlarında

humanist rəsmlər

görə-görə

milli,

dini,

irqi cinayətlərdən

uzaq oldum.

Ona görə

uşaq oldum

bu sarıdan.

Milli,

dini,

irqi cinayətlərdən

uzaq insanlarla

söhbətim tutar yəqin

dünya muzeyləri rəsmlərindən.

İçi sülh dolu salonları

xatirələrdə gəzərik daha –

“müharibədə gedən,

müharibə gedən”(Mir Şahin)

ölkədə.

Bəzən küçələrdəncə

girərik qalereyalara –

insanı ucaldan ideyalara

qabaqcadan

heyran-heyran.

Kimsə də hərdən

müqəddəs yalanlar söylər –

kitabxana kataloqlarında

gördüyü rəsmlərə

dünya muzeylərində baxıb guya.

                         

                       5. V. 2007

Digər xəbərlər

"Feyziyyə ilə şənbə söhbəti"nin qonağı yazıçı Rafiq Tağıdır

Qaçılmaz ön söz

“...həyatımda böyük bir boşluq yaranıb” Baba Vəziroğlu

"Xəstəxanada öləcəyini hiss etdim, hər yandan mühasirəyə alınmışdı..."

Üzümüzdəki ləkə: Rafiq Tağıya gecikmiş cavab

Şərhlər