“Bayıl”a gəlmişdi rəhmətlik atam

Tarix: 25-03-2015 11:23
Baxış sayı: 2119

Kamerama

təsadüfən girən külək

saçlarımı oxşadı

 “Bayıl”da.

Bu qəfil qayğıdan

bayıldım az qala.

Sevgilərindən ancaq

rəhmətlik atama

oxşatdım onu.

Gün də əyilirdi

bayırda.

Belədə

insult vurar adamı.

“Bayıl” ola,

iki daşın arasında,

düzxətli-dördkünc

qadağalardan aşıb,

həbsdəki

yaşlı balasına

baş çəkə

rəhmətlik ata.

Qürub şəfəqlərinə

paralel barmaqlarıyla

saçlarını oxşaya

üstəlik.

 

            5. V. 2007

Digər xəbərlər

"Münsiflər məşhurlardan yox, vicdanlı adamlardan seçilməlidir"

Fotolarda ikinci plan adamı . Gəzərki klassik musiqi mövsümü

“Forma gözəlliyi də estetik gücdür”

Qış gəldi

Nİ­­GA­­RAN­­LIQ

Şərhlər