Sərhəd

Tarix: 22-07-2017 16:30
Baxış sayı: 547

Sərhəd

İnamsızlığın

                torpaq səmasından

bir cinayət axdı

                ulduz kimi.

Ayalar şübhə geyindirdi

 torpağa.

Şübhə paltarının

                yaxası düymələndi

                ayaq izlərilə.

Torpağa düşmən

                nifrəti töküldü

                ləpir-ləpir.

İtlərin qoxu projektorlarilə

                aramağa başladılar

                cinayətin qaranlığını.

Yuxuya maskalanmış

                dinamit kimi

axtardılar insanı.

Dünyamız payıza

                yoluxacaq deyəsən.

Ehtiyac duyulur ehtiyata

İnsan müqəddəsliyinə

Müharibə tökülə bilər

                təyyarələrdən.

16 avqust, 1969-cu il

Digər xəbərlər

Həmid Herisçi - bizdə postmodernizmin sahibi

Fərqanə

“Azərbaycan siyasətində aryerqardçı düşüncələr” Konspekt.

Rövşən Yerfi: "Ölümü ilə ölümsüzlüyə qovuşdu"

Siyasət və mən

Şərhlər