Qatardan düşən kimi

Tarix: 22-07-2017 16:30
Baxış sayı: 148

Qatardan düşən kimi

Gözlərimə doldurmağa

                                başladım

                                kəndimizi.

Onun qoynuna atılacağam

                                indicə.

Əllərimdən hərarət

                bağışlayacağam

Evimizin qapılarına,

Səsim divarlara

                sürtəcək özünü.

Anama özüm boyda

                Sevinc verəcəyəm.

Bəlkə də namazı üstünə

                çıxacağam nənəmin,

Nənəmin fikrində

                Yanaşı duracağam

«O bir olan allaha».

Bilirəm,

    təbəssüm açılıb indi

gül kollarımızda,

     təbəssümlə nəfəs-nəfəsə

                                dayanacağam

                                         bir azdan.

Xatirələr dolaşmır daha

                                əl-ayağıma,

Evimiz indicə

                atamın qayğısı əkilmiş

bir ətək vətən

çıxaracaq qabağıma

16 avqust, 1969-cu il

Digər xəbərlər

Heç bir yazıma görə peşman deyiləm

54 ziyalı Rafiq Tağı ilə bağlı beynəlxalq təşkilatlara müraciət etdi

Rafiq Tağı məsələsinin İranda müzakirəsi

Eyvaz Zeynalov: "Rafiq Tağını xatırladım"

Müharibədə Şopen prelüdləri

Şərhlər