Yeni Zelandiyaya atlandı ürəyim

Tarix: 25-03-2015 11:23
Baxış sayı: 794

Bir an

Yeni Zelandiyaya

atlandı ürəyim.

Əyri sərhədləri –

sulardan...

Sandım,

vətənim olar birdən.

Ona illüzor sevgilər

törətdim qəlbimdə.

Xəritədəki

Yeni Zelandiya nöqtələrində

ev qurdum ailəmə -

çox da

tikinti materiallarına

nabələdəm oranın.

Həyatın işidir,

birdən Vətən

yox dedi mənə -

onda gəldim,

Yeni Zelandiya!

İçimdəki dərdlərlə

hətta orda ölərəm də,

əvvəl bir az

yaşamaq şərtiylə.

Bir an

Yeni Zelandiyaya

atlandı ürəyim.

Əyri sərhədləri –

sulardan...

Sandım,

vətənim olar birdən.

                  

                        9. V. 2007

Digər xəbərlər

Faciə: şərq-qərb konteksti

Rafiq Tağının Milli.Az xəbər portalına müsahibəsi

Xiffət “Hörmətli sentyabr”

Şərq-Qərb sivilizasiya-terror qanunu

Bacımın rəng duyğusu

Şərhlər