Tayqa xəyalları

Tarix: 25-03-2015 11:23
Baxış sayı: 1289

Tayqada olaydım - 

“Bayıl”sız bir məkanda.

Mənə heyvanlar baş çəkəydi,

biri baş –

ağlı sönük,

biri nağdı “g”

müstəntiqlər əvəzinə.

Əsatir kimi

dolaşaydım

Təbiət Ensiklopediyasında

adlarını tapacağım

ağaclar arasında.

Nə bir tövbə, nə bir tabu...

Bu dünyadan köçməmiş

ətrini udaydım

çətirləri yaşıl-yaşıl tayqanın.

Nə cənnətlik,

nə cəhənnəmlik iş olardı bu -

neytral,

təmiz...

Reallıqlardakı

əndişələrə,

nağıllardakı

qorxunc meşələrə

bənzəməyən

tayqada olaydım -

“Bayıl”sız bir məkanda.

Görüşə

quş-heyvan çağıraydı məni,

biri baş –

ağzında əmzik,

biri təmiz “g”

müstəntiqlər əvəzinə.

Gəzəydim

Təbiət Ensiklopediyasında

adlarını tapacağım

ağaclar arasında.

               

                5. V. 2007

Digər xəbərlər

Yadlar

Eyvaz Zeynalov: "Rafiq Tağını xatırladım"

“XX yüzilin komedik portreti” Konspekt

Qoca oğlan

"Qafqazın qartalı Şaumyan belə..(S.Vurğun)

Şərhlər